GEOMETRIYADAN MASALALAR TO‘PLAMI

Ushbu uslubiy qo‘llanma Oliy ta’lim muassasalarining ”Matematika va informatika” ta’lim yo‘nalishida tahsil olayotgan talabalar uchun mo‘ljallab yozilgan. Qo‘llanmada asosan Geometriya faniga kirishning dastlabki tushunchalari, vektorlar va ular ustida chiziqli amallar, vektorning koordinatalari, moduli, yo‘naltiruvchi kosinuslari va koordinatalari bilan berilgan vektorlar ustida amallar, vektorlarning skalyar, vektor va aralash ko‘paytmalari, tekislikda to‘g‘ri chiziqlarning turli tenglamalari, fazoda tekislik va to‘g‘ri chiziq tenglamalari kabi tushunchalar batafsil yoritilgan. Barcha mavzularda nazariy ma’lumotlar, namunaviy masalalar yechimlari va talabalar mustaqil bajarishlari uchun mo‘ljallangan topshiriqlar keltirilgan. Bundan tashqari, qo‘llanmada keltirilgan mavzular bo‘yicha egallangan bilimlarni mustahkamlash uchun test topshiriqlari ham o‘z aksini topgan.